نهايه حسن شحاته وجيل المرتزقه اعداء ثوره الشباب

الناس اللى وقفت ف ميدان مصفى محمود بتقول عايزين مبارك وبنحبك ياريس
الناس الفاسده اللى عاشت ف فساد وبقت بتحب الفياد ومعندهاش اى وطنيه مبدأها الاول ف الحياه حتدفع كام وانا اديك (حسن شحاته وشيكابالا وعامل الطوب امير القلوب ابو تريكه)
امبارح مكانش فى وطنيه ولا فكرو ف الشهداء اللى وقفولهم دقيقه حداد
وكانو ميتين ف الملعب منتخب فاشل ولاعيبه فاشله ونهايه مستحقه لجيل اثبت انه معندوش انتماء
انا بس احب اقولهم:
انتو مش اكتر من اراجوزات بتسلينا
لكن وقت الجد لو فى حد عنده وطنيه وانتماء يبقى الشهداء مش لاعيبه الكوره
ولو حبينا نتسلى يبقى نتفرج عاناس اللى بتعرف تلعب كوره ف اوربا ونبطل ندى اى حد اكتر من حجمه
ويرجع بقى كل مواطن ف البلد دى لحجمه الطبيعى
من امتى كان لاعيب الكوره اهم مواطن ف بلده
لما يكون اخلاقه عليا وبيقف جنب قضايا بلده علاقل
عندنا امثله كتيره زى دروجبا اللى بيحارب الفقر ف افريقيا من فلوس راتبه السنوى
وكانوتيه المسلم اللى بيبنى جوامع ف معظم دول اوربا اخرها ف اشبيليه
والسير ديفيد بيكهام اللى بيساعد على تطور الثقافه والحضاره ف انجلترا
وعصام الشوالى شوفو كان واقف ازاى جنب ثوره تونس بصوته الذى لا يملك غيره
فى حد بقى عندنا شفناه وقف جنب ثوره الشباب
احنا كنا بنملى الاستاد وراهم حتى لو الاهلى بيلاعب بلديه المحله
لكن من دلوقت انا حبطل اروح الاستاد لحد ما الناس دى تحس بثوره الشباب ومكتسباتها
ويخفضو اجورهم اللى وصلت لعشره مليون ف السنه لعامل الطوب امير القلوب بو تريكه
وبجد مش عايزين نكمل الدورى ملوش لازمه طالما المنتخب فاشل
خليهم ف بيوتهم ونخلى الناس تعرف قيمه شداء زى خالد سعيد وشهداء 25 يناير
ونسمع ناس محترمه زى حمدين الصباحى ومنى الشاذلى
ونفكنا بقى من الطبال مدحت شلبى والحرامى شوبير والمستكاوى وشله المنافقين والمنتفعين اللى محدش فيهم عرفنا موقفه هوا مع مين عشان يركب الموجه
وكفايه بقى حرقه دم

نفسى بجد الناس تتغير عشان مينضحكش علينا تانى
النهارده جه اليوم اللى نضحك فيه عاللى كانو بيضحكو علينا

مجهود يشكر للراجل اللى مش بيطيق الاهلى